🔘14 वर्षीय बालिकेवर अत्याचार करून फरार झालेला पोलीस पाटील अखेर वडखळ पोलिसांकडून अटक...🔘

 

गडब/अवंतिका म्हात्रे

पेण तालुक्यातील डोलवी येथील पोलीस पाटील रमेश पाटील या वय 62 वर्षीय वयोवृद्धाने एका 14 वर्षीय बालिकेवर वारंवार अत्याचार केल्याची घटना 4 ऑक्टोंबर रोजी दाखल झाली होती. सदर आरोपीवर वडखळ पोलीस ठाण्यात पोक्सो अंतर्गत गुन्हा दाखल करण्यात आला होता, मात्र यातील आरोपी हा फरार झाल्याने वडखळ पोलिसांकडून आरोपी रमेश पाटील याचा कसून शोध सुरू होता. अखेर 10 दिवसांनंतर पोलिसांनी आरोपी रमेश पाटील च्या मुस्क्या आवळून त्यास अटक केली आहे. आरोपीला फाशीची शिक्षा देण्याची मागणी पेणकर करीत आहेत.डोलवी येथील पोलीस पाटील रमेश अबांजी पाटील यांनी आपल्याच मित्राच्या ओळखीचा गैरफायदा घेत त्याच्या 14 वर्षीय पिडीत मुलीबरोबर वेगवेगळ्या ठिकाणी वारंवार लैगिक अत्याचार केल्या प्रकरणी त्याच्यावर वडखळ पोलिस ठाण्यात पोक्सो अंतर्गत गुन्हा दाखल करण्यात आला होता. मात्र सदर आरोपी फरार झाल्याने व पोलिसांच्या नाकीनऊ आणल्याने वडिलांना सहकार्य केल्याप्रकरणी पोलिसांनी त्याचा मुलगा नंदकुमार यास अटक करून कोर्टात हजर केले असता त्याची अलिबाग न्यायालयाने न्यायालयीन कोठडीत रवानगी केली होती.

अखेर वडखळ पोलीस निरीक्षक प्रसाद पांढरे यांच्या मार्गदर्शनाखाली पोलिसांनी 10 दिवस योग्य तपास केल्याने आज रविवार रोजी आरोपी रमेश पाटील यास अटक केली असून पुढील तपास वडखळ पोलीस करत आहेत. मात्र आरोपी रमेश पाटील यास फाशीची शिक्षा देण्याची मागणी आत्ता पेणकर करीत आहेत.