✍🏻गडब / अवंतिका म्हात्रे*
◼️वडखळ पोलीस स्टेशन आणि पेण तालुक्यातील पत्रकार यांच्यातील सुसंवाद बैठकीचे आयोजन वडखळ येथे करण्यात आले होते सदर बैठकीत पत्रकारांचे उद्धीष्ट व प्रशासन वृद्धींगत करणे .तसेच परस्पर सुसंवादातुन अधिक चांगले आणि परिणामकारक मार्ग शोधणे .
या बैठकीला वडखळ पोलीस निरीक्षक प्रसाद पांढरे , पोलीस उपनिरीक्षक लक्ष्मण धारकार , विजय म्हात्रे , पोलीस निरीक्षक दत्तात्रेय देवकाते पोलीस हवालदार अमोल म्हात्रे , पोलीस शिपाई आकाश व स्थानिक पत्रकार उपस्थित होते .यावेळी पत्रकारांनी आपले मनोगत व्यक्त करताना कृषीवरचे पत्रकार संतोष पाटील यांनी आपल्या क्षेत्रातील समस्यांचा उल्लेख करताना पोलिसांकडून अधिक पारदर्शकता आणि वेळेवर माहिती मिळावी अशी अपेक्षा व्यक्त केली तर पत्रकार राजेश कांबळे यांनी सांगितले की योग्य आणि स्पष्ट संवादामुळे समाजात घडणाऱ्या घटनांची अचूक माहिती लोकांपर्यंत पोहोचवण्याचत मदत होईल तसेच दत्ता म्हात्रे यांनी पोलीस प्रशासनाचे त्यांच्या काम करताना भेडसावणाऱ्या समस्या यावर प्रकाश टाकला .
पत्रकारांच्या वतीने अनिस मणियार यांनी सर्वांचे आभार मानले .
कार्यक्रमाचे नियोजन अत्यंत नीटनेटके करण्यात आले होते भविष्यात देखील अशा संवाद बैठकीचे आयोजन करून दोन्ही क्षेत्रामधील संबंध आणखीन मजबूत करण्याचे आश्वासन या बैठकीत देण्यात आले . यावेळी वडखळ पोलिसांतर्फे पत्रकारांना भेटवस्तू देण्यात आल्या .
