गडब/सुरेश म्हात्रे
पेण तालुक्यातील अतिशय संवेदनशील अश्या वडखळ पोलीस ठाण्याच्या पोलीस निरीक्षक प्रसाद पांढरे यांना राष्ट्रपती पुरस्कार जाहीर झाल्याने त्यांच्यावर अभिनंदनाचा वर्षाव होत आहे. सन १९५६ मध्ये पोलीस उपनिरीक्षक पदी नियुक्त झालेल्या पांढरे यांना मुंबई पोलीस दलात त्यांनी क्राईम ब्रांच, अँटिनारकोटिक्स सेल अश्या महत्वाच्या ठिकाणी नोकरी केली तसेच गोंदिया येथे नक्षल क्षेत्रामध्ये सुध्दा नोकरी केली. ठाणे ग्रामीण येथील मुरबाड पोलीस स्टेशन येथे प्रभारी अधिकारी म्हणून सेवा बजावून गेल्या ४ महिन्यापूर्वी वडखळ पोलीस ठाण्यात, प्रभारी अधिकारी म्हणून नियुक्ती झाली आहे. पोलीस निरीक्षक पांढरे साहेब यांनी महाराष्ट्र पोलीस सेवेत आल्यापासून आत्तापर्यंत केलेल्या उत्कृष्ट कामगिरीमुळे, त्यांना राष्ट्रपती पुरस्कार जाहीर झाला आहे.
त्यांनी मिळविलेल्या या यशाबद्दल वडखळ पोलीस ठाण्याचे सर्व पोलीस कर्मचारी यांनी त्यांचे अभिनंदन केले आहे.
